لامؤاخذة يا مصطفى كامل

يهيأ لى إن مصطفى كامل (مش المغنى لأ ) بتاع زمان
مؤسس الحزب الوطنى القديم اللى قال :
لولم أكن مصريا لوددت ان أكون مصريا
بتهيالى كان مزودة حبتين أو يمكن أيامه كان الكلام دا صحيح
لكن اظن لو مصطفى كامل عايش سنة 2008 ممكن يقول
لو لم اكن مصريا لوددت ان اكون أى جنسية تانية محترمة يونانى أوكرانى إنشالله عراقى حتى .. المهم أى بلد بتحس وعندها شعب عايش وبيحس مش أهل الكهف . .   مش شعب بشرب ب22مليار جنيه حشيش!!
وسايب حكومته تبيع غازها لإسرائيل . .  لا مؤاخذة يا مصطفى أفندى

المجد لغزة والعار لمصر مبارك

ليوم الثالث على التوالى تواصل إسرائيل قصف قطاع غزة ليصل عددالشهداء - حتى هذه اللحظة - 316شهيد وأكثر من 1400جريح فالمجد لغزة والعار لمصر مبارك لأن مصر شعبا وأرضا ..سماءاوبرا ...بريئة من مبارك وحكومته ومواقفه المخزية تجاه القضية الفلسطينية

يحدث فى 2009...لاقدر الله !

هابى نيو يير ياجدعان وكل سنة وإنتوطيبين ،مع نهاية2008 وبمناسبة راس سنة2009 عندى إستفسار فضولى ضرورى!،سنة 2006:إنهارت عمارة لوران فى إسكندرية وإكتشفنا فضيجة أكياس الدم الفاسد ،سنة2007:غرق العبارة (السلام 98)ومذبحة بنى مزار وف2008بقى..براءة كل من: هانى سرور(بتاع اكياس الدم الفاسدة)وممدوح إسماعيل(صاحب العبارة) ومحمد على عبداللطيف(المتهم الوحيد بارتكاب مذبحة بنى مزار)!،كماإحترق مجلس الشورى وإنهار المقطم على اهالى الدويقة..تفتكروا بقى ف2009 :ممكن مثلا الهرم يقع أو السد يتخرم!،وفى المقابل يقولولنا إن حريق مجلس الشورى كان حلقة ف الكاميرا الخفية!

خطوات القدر

الحمد لله كل يوم أقتنع بان حبكة الدنيا الدرامية أفضل من أى حبكة اخرى ومع كل خطوة غير مخطط لها تمنحك فرحة غير متوقعة أو مفأجأة سعيدة أشكر الله

أمواج النيل

عندما أشعر بحاجتى للسلام النفسى والهدوء والسكينة أسقطت راحة يدى فى جيبى وأسير فى شوراع هذا الوطن متسكعا بل ومترنحا أحيانا ثم أسير بجوار النيل على الكورنيش... أشعر بالراحة والسلام حين انظر صفحته الهادئة ..اليوم فعلت ذلك خرجت أتسكع فى شوراع مصر المحروسة بشعبها(المهروسة من حكومتها)...أنظر للمساجد الرائعة و للكنيسة بنمظرها المهيب وللمحلات ذات الواجهات البراقة والشوارع النظيفة فى الصباح الباكر والبشر يتحركون فى نشاط و كثير منهم يحمل إبسامة خفيفة أو على الأقل لم تيدأ همومه اليومية بعد !والتى تنزع الإبتسام من الوجه والقلب معا لكن شىء جديد كان على النيل أقسم أنى رأيت اليوم للنيل أمواج بل وزبدا.. كزبد البحر أستغرب المشهد قليلا فالنيل معروف بهدوئه أو على الأقل لم نعرفه له أمواج لكنى راجعت نفسى على الفور ونظرت لأحوال هذا البلد من هشام طلعت مصطفى إلى مقتل بنت ليلى غفران والتمثيل بجثمانها إلى شهداء التأمينات والمعاشات إلى براءة عبد الرحمن حافظ ومن قبله ممدوح إسماعيل وهانى سرور بلد حالها يفور مياه أنتركتيكا والله كتر خير النيل..دا لو نهر تانى !!كان طفح علينا بفيضان .. يغرقنا ويخلص

!!..يا مسهرنى

ما أجمل ان يمنحك القدر هدية مفاجئة او يهبك الزمان سعادة غامرة غير متوقعة حقا إن الحبكة الدرامية لهذة الدنيا أروع من أى دراما عرفتها البشرية إنها حبكة الحياة التى لايضاهيها أى حبكة اخرى !!إنها حبكة سماوية

! إبتسامة من الماضى

اليوم رابع أيام العيد الكبير !قضيته فى العزبة السودا

8 ديسمبر...الذكرى الثالثة لمحاولة إغتيالى ! !

يوم 2005/12/8 كان يوم اربع إنتخابات برلمان المستقبل 2005

السعادة الحقيقية

أسباب لا يتوقعها تجعلنى سعيد للغاية مثلا لما
أنفذ طلب مهم لواحد صاحبى غالى عليا أو لما أخدم حد معرفوش

22سنة ... ولسه

زى النهاردة من 22 سنة وكان يوم إتنين برضه سجلت دفتر السجق المدنى وصول كائن جديد إلى هذه الأرض إنه....أنا!!